Toyloq tumanidagi 29-son Bolalar musiqa va san’at maktabida tasviriy san’at yo‘nalishi bo‘yicha navbatdagi mahorat darsi tashkil etildi.
Mazkur dars Samarqand ixtisoslashtirilgan san’at maktabi o‘qituvchisi, tajribali mutaxassis Jabborov Doston tomonidan olib borildi.
Mahorat darsining mavzusi “Portret chizish” bo‘lib, mashg‘ulot davomida maktab o‘quvchisining portreti ustida amaliy ish olib borildi.
Ustoz tomonidan portret ishlashning asosiy bosqichlari, yuz tuzilishi proporsiyalari, yorug‘-soya munosabatlari hamda inson qiyofasidagi individual jihatlarni to‘g‘ri aks ettirish bo‘yicha batafsil tushuntirishlar berildi.
Amaliy jarayonda o‘quvchilar portret yaratishning turli usullari bilan tanishib, ustoz ko‘rsatmalari asosida mustaqil ijodiy ish olib bordilar. Har bir ishtirokchiga individual yondashuv asosida tavsiyalar berilib, ularning ishlari tahlil qilindi.
