Xalqaro bolalarni himoya qilish kuni munosabati bilan bayram dasturi bo‘lib o‘tdi
1-iyun — Xalqaro bolalarni himoya qilish kuni munosabati bilan tumandagi Amir Temur bog‘ida bayram dasturi ko‘tarinki ruhda o‘tkazildi.
Tadbirda tuman hokimi Behzod Raxmatullayev ishtirok etib, barcha bolajonlarni ushbu quvonchli sana bilan samimiy muborakbod etdi. O‘z so‘zida u yosh avlodning barkamol voyaga yetishi, ularning ta’lim-tarbiyasi va manfaatlarini himoya qilish davlat siyosatining ustuvor yo‘nalishlaridan biri ekanligini ta’kidladi.
Bayram davomida tuman hokimi tomonidan bolalarga esdalik sovg‘alari topshirildi. Sovg‘alarni topshirish jarayonida tuman mas’ullari ham faol ishtirok etdilar.
Tadbir doirasida turli sport musobaqalari, qiziqarli tanlovlar hamda madaniy-ko‘ngilochar dasturlar tashkil etildi. Bolalar o‘z iste’dod va qobiliyatlarini namoyish etib, faol ishtirokchilar rag‘batlantirildi.
