Tasviriy san’at bo‘limi

Toyloq 29-son bolalar musiqa va san’at maktabi 2013-yilda tashkil etilgan bo‘lib, aynan shu yildan boshlab tasviriy san’at bo‘limi ham faoliyat yurita boshlagan. Mazkur bo‘lim o‘quvchilarning ijodiy fikrlashini rivojlantirish, tasviriy san’atga bo‘lgan qiziqishini oshirish va ularning iste’dodini yuzaga chiqarishda muhim o‘rin tutadi.

Hozirgi kunda tasviriy san’at bo‘limida jami 82 nafar o‘quvchi tahsil olmoqda. O‘quvchilar sinflar kesimida quyidagicha taqsimlangan:

• 1-sinf: 16 nafar o‘quvchi

• 2-sinf: 15 nafar o‘quvchi

• 3-sinf: 18 nafar o‘quvchi

• 4-sinf: 14 nafar o‘quvchi

• 5-sinf: 19 nafar o‘quvchi

Bo‘limda o‘quvchilarga 6 nafar o‘qituvchi ta’lim berib kelmoqda. Ulardan 5 nafari oliy ma’lumotli, 1 nafari o‘rta maxsus ma’lumotli mutaxassis hisoblanadi. Ustozlar tomonidan darslar zamonaviy va ijodiy yondashuv asosida tashkil etilib, o‘quvchilarning san’atga bo‘lgan qiziqishi yanada oshirilmoqda.

Shuningdek, 2025–2026 o‘quv yilida bo‘lim o‘quvchilari Respublika miqyosidagi tanlovlarda faol ishtirok etib, 5 nafar o‘quvchi sovrinli o‘rinlarni qo‘lga kiritdi. Bu esa bo‘limda olib borilayotgan ta’lim-tarbiya ishlari yuqori saviyada ekanligini yana bir bor tasdiqlaydi.